"Barselona" rasmiy sayti jamoa yarim himoyachisi Frenki de Yong jarohat olganini ma'lum qildi. Niderlandiyalik futbolchi payshanba kungi mashg'ulotda shikastlangan. Bu haqda euro-football.ru xabar beradi.
Tibbiy ko'rik natijalariga ko'ra, 28 yoshli futbolchining o'ng sonining orqa qismi tashqi tomonida shikast aniqlangan.
Klub xabarida ta'kidlanishicha, de Yongning tiklanish muddati besh-olti hafta davom etadi. Shu bois u safga faqat aprel oyining birinchi yarmida qaytishi kutilmoqda.
Natijada, Frenki de Yong yaqin uchrashuvlarni, jumladan Chempionlar ligasi 1/8 finalidagi ikkala o'yinni ham o'tkazib yuboradi.
"Barselona" 28 fevral, shanba kuni "Vilyarreal"ni qabul qiladi.
“Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing 
