Madridning «Atletiko» klubida to‘p surgan sobiq hujumchi Diyego Kosta jamoa bosh murabbiyi Diyego Simeone haqida fikr bildirdi. Bu haqda euro-football.ru xabar beradi.
Kosta «matraschilar» safida 2007–2014 yillarda o‘ynagan, keyin esa «Chelsi»ga transfer qilingan. 2018 yilda u yana Madridga qaytib, klubda yana uch yil faoliyat olib borgan.
Hujumchining ta’kidlashicha, Simeonening eng kuchli jihati — futbolchilarni ruhlantirish va o‘ziga ishonishga undash qobiliyati. Eng yoqimsiz tomoni esa murabbiyning sovuqqonligi bo‘lgan: Kosta aytishicha, Simeone ayrim futbolchilarga, ayniqsa o‘zi muhim deb bilmagan o‘yinchilarga nisbatan masofa saqlagan. Shuningdek, u hozir «Cholo» o‘zgarganini, jamoaga nisbatan emotsionalroq va yaqinroq bo‘lib qolganini qo‘shimcha qildi.
Eslatib o‘tamiz, Diyego Simeone «Atletiko» boshqaruvini 2011 yil oxiridan beri olib bormoqda.
“Zamin”ni Telegramʻda oʻqing!
