Marselo Gallardo murabbiy sifatidagi so'nggi uchrashuvini “Banfild”ga qarshi o'yinda o'tkazdi. Unda “River Pleyt” 3:1 hisobida zafar quchib, ketma-ket uchta mag'lubiyatdan iborat omadsiz seriyasiga nuqta qo'ydi. Bu haqda euro-football.ru xabar beradi.
Aynan shu yomon natijalar Gallardoning lavozimini saqlab qolishiga to'siq bo'ldi. Shunga qaramay, klub unga munosib tarzda xayrlashish imkonini berdi va u bu lahzani juda hissiyotli tarzda yakunladi.
“Hammaga shunchaki rahmat. Sizlarning mehringizni so'z bilan to'liq ifodalash qiyin. Men butunlay ketmayapman. “River”dan hech kim abadiy ketmaydi. Bu sehrli maskan: ketgan taqdiringda ham baribir klub bilan qolasan”, dedi Gallardo o'yindan keyin ko'z yoshlarini tiya olmay.
Eslatib o'tamiz, Gallardo 90-yillarda “River Pleyt” safida ham, Argentina terma jamoasida ham futbolchi sifatida to'p surgan.
“Zamin”ni Telegramʻda oʻqing!
