Rodri «Real Madrid»ning yozgi transfer rejalarini buzib yubordi
«Real Madrid» yozgi transfer rejalari doirasida «Manchester City»ning yulduzi Rodrini asosiy maqsad sifatida belgilagan edi. Biroq, 29 yoshli ispaniyalik futbolchi Angliya klubini tark etish niyatida emas va faoliyatini «shaharliklar» safida davom ettirishni xohlaydi. «Manchester City» rahbariyati Rodrini jamoaning ajralmas ustuni deb hisoblaydi va uning bilan shartnomani uzaytirish bo'yicha muzokaralar olib bormoqda.
«Real Madrid» rahbariyati yozgi transfer oynasida tarkibni kuchaytirish va muvozanatni tiklash maqsadida yuqori saviyali futbolchilarni jalb etishni rejalashtirmoqda. Madridliklar jamoaning tayanch yarim himoyasini mustahkamlash uchun «Manchester Siti» yulduzi Rodrini asosiy maqsad sifatida tanlagan. Bu haqda Goal.com xabar beradi.
Britaniyaning «Manchester Evening News» nashri xabariga ko'ra, 29 yoshli ispaniyalik futbolchi hozircha Angliya klubini tark etish niyatida emas. Yarim himoyachi Madrid klubiga o'tishga qiziqish bildirmagan va o'z faoliyatini «shaharliklar» safida davom ettirmoqchi.
«Manchester Siti» rahbariyati Rodrini jamoaning ajralmas ustuni deb hisoblaydi va uni qo'yib yubormoqchi emas. Klub futbolchi bilan amaldagi shartnomani uzaytirish bo'yicha muzokaralarni yakunlamoqda.
Rodrining hozirgi kelishuvi 2027-yilgacha amal qiladi.
Izohlar 0
…