"Man Siti" himoyachisi Jon Stounz joriy mavsum yakunida klubni tark etishini rasman e'lon qildi. Angliyalik futbolchi "Etixad" stadionidagi o'n yillik muvaffaqiyatli faoliyatidan so'ng erkin agentga aylanadi. Bu haqda Goal.com xabar beradi.
31 yoshli himoyachi o'z qarorini ijtimoiy tarmoqlar orqali hissiyotlarga boy video bilan ma'lum qildi. U 2016 yilda "Everton"dan transfer qilinganidan buyon jamoaning ajralmas qismiga aylanib, Pep Gvardiola qo'l ostida zamonaviy himoyachi rolini yangi bosqichga olib chiqdi.
Stounz o'z murojaatida klub uning uchun o'n yil davomida uy bo'lganini va bu yerga yosh bola bo'lib kelib, erkak kishi sifatida ketayotganini ta'kidladi. U Manchesterda 19 ta sovrin, jumladan, oltita Premyer-liga chempionligi va Chempionlar ligasi kubogini qo'lga kiritdi.
So'nggi ikki mavsumda jarohatlar tufayli Stounzning o'yin amaliyoti kamayib ketdi. U oktyabr oyidan beri Premyer-ligada asosiy tarkibda maydonga tushmadi.
Shunga qaramay, himoyachi mavsum yakuniga qadar jamoaga yangi sovrinlar yutishda yordam berishni maqsad qilgan.
“Zamin”ni Telegramʻda oʻqing!
