Barselona Nyukasl Yunayted vingeri Entoni Gordonni oʻz safiga qoʻshib olishni maqsad qilgan. Kataloniyaliklar yozgi transfer oynasi oldidan hujum chizigʻini kuchaytirish uchun tezkor va dinamik oʻyinchi izlamoqda. Bu haqda Goal.com xabar beradi.
Sport direktori Deko klub qarorgohida futbolchining agentlari bilan uchrashuv oʻtkazdi. Ushbu muzokaralar Barselona rahbariyatining ingliz futbolchisiga boʻlgan jiddiy qiziqishidan dalolat beradi.
Biroq, bu transfer oson kechmaydi. Bavariya ham uzoq vaqtdan beri Gordonning oʻyinlarini kuzatib kelmoqda va futbolchini oʻz tarkibiga qoʻshib olish uchun moliyaviy resurslarga ega.
Nyukasl Yunayted oʻz yetakchisi uchun 80 million yevro atrofida mablagʻ talab qilmoqda. Barselona esa moliyaviy qoidalarni inobatga olgan holda, ushbu transferni amalga oshirish uchun jiddiy qarorlar qabul qilishi kerak boʻladi.
“Zamin”ni Telegramʻda oʻqing!
