Chelsi klubi Ses Fabregasni bosh murabbiy etib tayinlash fikridan qaytishga chaqirilmoqda. Mutaxassislarning fikricha, sobiq futbolchi hali yetarlicha tajribaga ega emas va uning hozirgi jamoasi Como muhim o‘yinlarda barqarorlikni saqlay olmayapti. Bu haqda Goal.com xabar beradi.
2025-26 yilgi mavsumda Enzo Mareska va Liam Rosenior bilan xayrlashgan Chelsi yana yangi bosh murabbiy izlamoqda. Todd Boeli boshchiligidagi klub rahbariyati murabbiylar o‘rindig‘idagi beqarorlikka chek qo‘ymoqchi. Garchi jamoa Angliya Premer-ligasida kuchli yettilikdan chiqib ketgan bo‘lsa-da, klub transfer bozorida faol bo‘lishda davom etmoqda.
Sobiq himoyachi Toni Dorigo GOAL nashriga bergan intervyusida Fabregasning Como jamoasidagi ishini yuqori baholadi, biroq uning Chelsi kabi bosim yuqori bo‘lgan klub uchun hali tayyor emasligini ta’kidladi. Dorigo Como jamoasining Inter va Italiya Kubogi kabi muhim bahslarda hisobda oldinda borib, yakunda mag‘lubiyatga uchraganini misol qilib keltirdi.
Dorigo fikricha, Chelsi uchun Andoni Iraola yoki Marko Silva kabi Angliya Premer-ligasi tajribasiga ega murabbiylar ayni muddao bo‘lishi mumkin. Fabregas kelajakda buyuk murabbiy bo‘lishi shubhasiz, ammo hozirgi bosqichda u hali o‘z falsafasini shakllantirish jarayonida.
“Zamin”ni Telegramʻda oʻqing!
