Barselona yulduzi Lamine Yamal Real Madridga qarshi kechgan El-Klasikodagi gʻalabadan soʻng Jud Bellingemga qarata kinoyali xabar yoʻlladi. Uchrashuv yakuniga yetmasdan turib, jarohati sabab maydonga tusha olmagan 18 yoshli futbolchi Instagram sahifasida hisob koʻrsatilgan tablodan lavha joylab, "Gapirish oson" deya izoh qoldirdi. Bu haqda Goal.com xabar beradi.
Bu holat oʻtgan oktyabr oyida Bellinghamning Barselona ustidan qozonilgan 2:1 hisobidagi gʻalabadan soʻng aynan shu iborani ishlatganiga javob sifatida baholandi. Oʻsha vaqtda ingliz yarim himoyachisi bu soʻzlarni aynan Yamalga qarata aytgan deb hisoblanadi.
Uchrashuv Barselona uchun juda muvaffaqiyatli oʻtdi. Marcus Rashford 9-daqiqada jarima zarbasidan hisobni ochgan boʻlsa, Ferran Torres 20-daqiqaga kelib oradagi farqni ikkitaga yetkazdi. Ushbu 2:0 hisobidagi gʻalaba kataloniyaliklarga La Liga chempionligini muddatidan avval taqdim etdi.
Hozirda Barselona poytaxtlik raqiblaridan 14 ochko oldinda bormoqda va turnir jadvalida yaqqol peshqadamlik qilmoqda. Aprel oyidan buyon mushaklaridagi jarohat sabab maydonga tusha olmayotgan Lamine Yamal mavsumning qolgan qismini oʻtkazib yuborishi aniq, biroq uning Ispaniya terma jamoasi safida Jahon chempionatiga borishi xavf ostida emas.
“Zamin”ni Telegramʻda oʻqing!
