Barselona Ispaniya chempionligini nishonlash uchun o‘tkazilgan tantanali parad davomida yosh yulduz Lamine Yamal o‘zining provokatsion libosi bilan e’tiborni tortdi. U kiygan maxsus futbolkada "Xudoga shukurki, men madridista emasman" degan yozuv aks etgan edi. Bu haqda Goal.com xabar beradi.
Yamal jamoaning muvaffaqiyatli mavsumi haqida gapirar ekan, muxlislarga Chempionlar ligasi kubogini ham Barselonaga olib kelishga va’da berdi. Uning so‘zlariga ko‘ra, jamoa o‘tgan qiyin yillardan so‘ng yana g‘alabalardan zavq olishni boshladi.
Hozirda jarohatidan tiklanayotgan iqtidorli vinger, kelajakda Ispaniya terma jamoasi safida 2026-yilgi Jahon chempionatida ishtirok etishni maqsad qilgan. U o‘z va’dasiga sodiq qolishini va klub uchun yangi cho‘qqilarni zabt etishini ta’kidladi.
“Zamin”ni Telegramʻda oʻqing!
