Chelsi klubi yangi bosh murabbiy izlash jarayonini jadallashtirdi. Londonliklar Bornmut ustozi Andoni Iraola bilan muzokaralar o‘tkazishdi. Ispaniyalik mutaxassis joriy mavsumda Bornmut bilan Yevrokuboklar sari dadil odimlamoqda, bu esa Chelsi rahbariyatining e’tiborini tortdi. Bu haqda Goal.com xabar beradi.
Ma’lumotlarga ko‘ra, Iraola Kristal Pelas taklifini rad etgan. Shunga qaramay, Chelsi ro‘yxatida boshqa nomzodlar ham bor. Xususan, Bayer Leverkuzen murabbiyi Xabi Alonso klub egalari tomonidan asosiy variant sifatida ko‘rilmoqda. Alonso jamoani taktik jihatdan qayta shakllantira oladigan yuqori saviyali mutaxassis sifatida baholanmoqda.
Chelsi rahbariyati murabbiylar shtabini mustahkamlash uchun transfer siyosatida ham o‘zgarishlar qilishga tayyor. Nomzodlar qatorida Fulxem ustozi Marko Silva va Oliver Glasner ham bor. Klub yangi mavsumga tayyorgarlikni o‘z vaqtida boshlash uchun yaqin kunlarda yakuniy qarorga kelishi kutilmoqda.
“Zamin”ni Telegramʻda oʻqing!
