Kylian Mbappe o'zining bolalikdagi kumiri Cristiano Ronaldo bilan bo'lgan yaqin munosabatlari haqida gapirib berdi. Fransiyalik hujumchi Real Madrid afsonasi unga Ispaniya poytaxtidagi hayotiga moslashishda katta yordam berganini va ular hozirda chin do'st ekanliklarini ta'kidladi. Bu haqda Goal.com xabar beradi.
Vanity Fair nashriga bergan intervyusida Mbappe shunday dedi: "U hozir mening do'stim. Yoshligingizda but tutgan insonlaringiz bilan do'stlashish juda ajoyib. Biz ko'p gaplashamiz va u Madridga kelgan ilk yilimda menga juda katta yordam berdi, chunki u bu klubni juda yaxshi biladi".
Shunga qaramay, maydondagi vaziyat Mbappe uchun unchalik silliq kechmayapti. Real Madrid mavsumni muvaffaqiyatsiz o'tkazmoqda va muxlislar jamoaning o'yin uslubi hamda taktik muvozanat buzilganidan norozi. Hatto ijtimoiy tarmoqlarda futbolchining jamoadan ketishini talab qiluvchi onlayn petitsiyalar ham paydo bo'ldi.
Bosh murabbiy Alvaro Arbeloa uchun Vinicius Junior, Jud Bellingem va Kylian Mbappe kabi yulduzlarni bir tarkibda samarali o'ynatish haqiqiy boshog'riqqa aylangan. Jamoaning himoyadagi barqarorligi va hujumdagi o'zaro tushunish darajasi tanqidlar ostida qolmoqda.
Mutaxassislar Mbappe va Cristiano Ronaldo o'rtasidagi statistik ko'rsatkichlarni taqqoslashda davom etishmoqda. Biroq, fransiyalik futbolchi Madridda o'zining eng yaxshi formasini topish va jamoani yangi g'alabalarga yetaklash uchun hali ham kurashmoqda.
“Zamin”ni Telegramʻda oʻqing!
