Real Madrid bosh murabbiyi Alvaro Arbeloa fransiyalik yulduz Kylian Mbappening klubga bo‘lgan sadoqati borasidagi tanqidlarga javob qaytardi. Hujumchining so‘nggi o‘yinlardagi nobarqaror formasi va jarohatlar tufayli maydonni tark etishi muxlislar hamda matbuotda ko‘plab savollarni keltirib chiqargan edi. Bu haqda Goal.com xabar beradi.
Ispaniya matbuotida Mbappening diqqati klubdan ko‘ra ko‘proq terma jamoa o‘yinlariga qaratilgani haqida mish-mishlar tarqaldi. Ayniqsa, futbolchining jarohatdan tiklanish jarayonida ta’tilga chiqqani muxlislar g‘azabini qo‘zg‘atdi. Biroq Arbeloa bu ayblovlarni rad etib, futbolchining mashg‘ulotlardagi mehnatkashligini alohida ta’kidladi.
Murabbiyning so‘zlariga ko‘ra, Real Madridda o‘ynashning o‘zi katta baxt va hech bir futbolchi Jahon chempionati bahonasida maydonda o‘zini ayamaydi. Arbeloa o‘z shogirdlarining professionalizmiga shubha qilmasligini va jamoa oldinda turgan muhim o‘yinlarga to‘liq tayyor ekanini bildirdi.
Jamoaning mavsumdagi omadsiz natijalari va kiyinish xonasidagi kelishmovchiliklar fonida Arbeloaning kelajagi ham so‘roq ostida qolmoqda. Shunga qaramay, murabbiy mavsum yakunlangach, barcha savollarga ochiq javob berishini va hozirda bor e’tiborini o‘yinlarga qaratganini ta’kidladi.
“Zamin”ni Telegramʻda oʻqing!
