Barselona vitse-prezidenti Rafa Yuste Real Madrid prezidenti Florentino Perezning soʻnggi bayonotlariga keskin munosabat bildirdi. Yuste Perezning korrupsiya boʻyicha ayblovlarini «achinarli» deb atab, buni Madrid klubining soʻnggi ikki yildagi muvaffaqiyatsizliklarini yashirishga urinish deb baholadi. Bu haqda Goal.com xabar beradi.
Perez oʻz chiqishlarida Real Madrid koʻplab sovrinlardan mahrum boʻlganini va ularning gʻalabalari «oʻgʻirlanganini» daʼvo qilgan edi. Yuste esa bu gaplarni mutlaqo yolgʻon va haqiqatga zid deb atadi. Uning soʻzlariga koʻra, bu kabi bayonotlar Barselona jamoasining mehnatini kamsitishga qaratilgan.
Barselona rahbariyati Negreira ishi boʻyicha barcha toʻlovlar qonuniy texnik hisobotlar uchun amalga oshirilganini taʼkidlamoqda. Klub ushbu ayblovlar yuzasidan huquqiy choralar koʻrishga tayyorligini va oʻz manfaatlarini sud orqali himoya qilishini maʼlum qildi.
Yuste Perezning bu harakatlarini jamoatchilik eʼtiborini chalgʻitish uchun qoʻllanilayotgan «tutun pardasi» deb atadi. U Barselona muxlislari oʻz jamoasining yutuqlaridan mamnun ekanligini va hech qanday asossiz ayblovlar klub obroʻsiga putur yetkaza olmasligini qoʻshimcha qildi.
“Zamin”ni Telegramʻda oʻqing!
