Bavariya klubi Nyukasl Yunayted vingeri Entoni Gordon bilan shaxsiy shartlar bo‘yicha kelishuvga erishdi. Germaniya grandi futbolchini o‘z safiga qo‘shib olishni yozgi transfer oynasidagi asosiy maqsad deb bilmoqda va muzokaralarni boshlab yubordi. Bu haqda Goal.com xabar beradi.
Biroq, Nyukasl Yunayted o‘z yetakchi hujumchisi uchun 75 million funt sterling talab qilmoqda. Bavariya rahbariyati esa bu narxni haddan tashqari yuqori deb hisoblab, uni 50 million funt atrofida kamaytirishga harakat qilmoqda.
Entoni Gordonning o‘zi ham Myunxenga ko‘chib o‘tishga qiziqish bildirmoqda. Nemis klubi futbolchining klubni tark etish istagidan foydalanib, Angliya Premer-ligasi vakili bilan kelishuvga erishishni rejalashtirmoqda.
Hozircha Bavariya muzokaralarda o‘z pozitsiyasini mustahkamlamoqda. Agar tomonlar kelisha olmasa, Angliyaning boshqa yirik klublari ham ushbu iqtidorli vinger uchun kurashga kirishishi mumkin.
“Zamin”ni Telegramʻda oʻqing!
