Real Madrid hujumchisi Kylian Mbappe jamoa tarkibida to‘rtinchi tanlov ekanligi haqidagi bayonoti bilan katta shov-shuvga sabab bo‘ldi. Futbolchi Real Oviedo ustidan qozonilgan 2:0 hisobidagi g‘alabadan so‘ng, asosiy tarkibda maydonga tushmaganidan noroziligini yashirmadi va o‘zini Vinicius Junior, Franco Mastantuono hamda Gonzalo Garcia kabi o‘yinchilardan keyingi o‘rinda deb hisoblashini aytdi. Bu haqda Goal.com xabar beradi.
Biroq, jamoa murabbiyi Alvaro Arbeloa bu gaplarni keskin rad etdi. Uning ta'kidlashicha, Mbappe bilan bo‘lgan suhbat noto‘g‘ri talqin qilingan va murabbiy hech qachon futbolchiga bunday so‘zlarni aytmagan. Arbeloa o‘z navbatida tarkibni tanlashda faqat o‘zi qaror qabul qilishini va Mbappe bilan o‘yin oldidan suhbatlashganini eslatib o‘tdi.
Fransiyalik yulduz jismoniy holati 100 foiz tayyor ekanligini va zaxirada qolishini faqat taktik qaror deb bilishini ta'kidladi. Shunga qaramay, Santiago Bernabeu stadioniga yig‘ilgan muxlislar futbolchining so‘nggi vaqtdagi o‘yinlari va bayonotlaridan norozi bo‘lib, uni hushtakbozlik bilan kutib olishdi.
Arbeloa vaziyatga oydinlik kiritar ekan, jamoada to‘rtta hujumchi yo‘qligini va Mbappe bilan bo‘lgan muloqotda hech qanday tushunmovchilik bo‘lmasligi kerakligini qo‘shimcha qildi. Murabbiyning so‘zlariga ko‘ra, futbolchining maydonga tushmasligi faqatgina murabbiylar shtabining o‘yin rejasiga bog‘liq bo‘lgan.
“Zamin”ni Telegramʻda oʻqing!
