Chelsi afsonasi Millie Bright Manchester Yunaytedga o‘tishi mumkinligi haqidagi xabarlarga keskin munosabat bildirdi. Uzoq yillar davomida London klubi himoyasining ustuni bo‘lgan 32 yoshli futbolchi, o‘z faoliyatini aynan shu jamoada yakunlashini va raqib klub safida maydonga tushmasligini ma’lum qildi. Bu haqda Goal.com xabar beradi.
2014-yildan buyon Chelsi sharafini himoya qilib kelayotgan Bright, jamoa bilan sakkiz marta Angliya chempionligi, olti marta Angliya kubogi va to‘rt marta Liga kubogini qo‘lga kiritgan. U o‘z bayonotida: "Meni qizil libosda ko‘rmaysiz, bu menga yarashmaydi. Chelsi men vakillik qiladigan yagona jamoa", deya ta’kidladi.
Tajribali himoyachi professional faoliyatini yakunlashga qaror qildi, biroq klubni tark etmaydi. Millie Bright endilikda Chelsi klubi elchisi sifatida faoliyat yuritadi va klub jamg‘armasi hamda ijtimoiy loyihalarida ishtirok etishda davom etadi.
Brightning ta’kidlashicha, futbolchilik davrida bunday qo‘shimcha vazifalarni bajarish qiyin bo‘lgan, ammo endilikda u bor e’tiborini klub rivojiga qaratish imkoniyatiga ega. U o‘zining yangi hayot bosqichini Chelsi oilasi bilan birga boshlayotganidan mamnunligini bildirdi.
“Zamin”ni Telegramʻda oʻqing!
