Osiyo o‘yinlari: O‘zbekiston 11-kun yakunlariga ko‘ra 4-o‘rinni egallab turibdi

1 oktabr 2026, 07:55·8·Sport

QisqachaAI yordamida tayyorlanganKo‘rsatish

Osiyo o‘yinlarining 11-kun yakunlariga ko‘ra, O‘zbekiston sport delegatsiyasi 16 ta oltin, 19 ta kumush va 19 ta bronza, jami 54 ta medal bilan umumjamoa hisobida 4-o‘rinni egallab turibdi.
Xitoy 277 ta medal bilan peshqadamlikni saqlab qolgan bo‘lsa, Yaponiya 200 ta medal bilan ikkinchi, Janubiy Koreya esa 103 ta medal bilan uchinchi o‘rinda bormoqda.
O‘zbekiston sportchilari ko‘p sonli va kuchli raqiblarni ortda qoldirib, ushbu yuqori natijani qayd etishdi.

Yaponiyada davom etayotgan yozgi Osiyo o‘yinlarida navbatdagi — o‘n birinchi kungi murosasiz bellashuvlar o‘z nihoyasiga yetdi. O‘zbekiston sport delegatsiyasi ushbu kunni ham muvaffaqiyatli yakunlab, medallar jamg‘arish bo‘yicha qit’aning eng kuchli to‘rtta davlati qatoridagi o‘rnini ishonch bilan saqlab qolmoqda.

O‘zbekiston hisobida 54 ta medal

O‘zbekiston vakillari musobaqa davomida barqaror natija ko‘rsatib, muxlislarni quvontirishda davom etmoqda. O‘n birinchi kun yakunlariga ko‘ra, delegatsiya g‘aznasidagi medallar soni 54 taga yetdi:

Oltin: 16 ta
Kumush: 19 ta
Bronza: 19 ta

Ushbu yuqori natija evaziga sportchilarimiz ko‘p sonli va kuchli raqiblarni ortda qoldirgan holda umumjamoa hisobida yakkapeshqadam 4-pog‘onani band etib turibdi.

Kuchli uchlik va ta’qibchilar

Medallar jadvalining yuqori qismida jiddiy raqobat kechmoqda:

Xitoy 151 ta oltin, 67 ta kumush va 59 ta bronza (jami 277 ta medal) bilan umumjamoa hisobida mutlaq peshqadamlikni saqlab turibdi.
Mezbon Yaponiya 50 ta oltin, 77 ta kumush va 73 ta bronza (jami 200 ta medal) bilan ikkinchi o‘rinni egallab turibdi.
Janubiy Koreya esa 24 ta oltin, 30 ta kumush va 49 ta bronza (jami 103 ta medal) bilan kuchli uchlikka yakun yasagan.

Kuchli beshlikni 12 ta oltin medal jamg‘argan Tailand terma jamoasi yakunlab bermoqda. Ulardan keyingi o‘rinlarni Eron (11 ta oltin), Bahrayn (11 ta oltin), Hindiston (10 ta oltin) va Qozog‘iston (9 ta oltin) jamoalari band etgan. Kuchli o‘nlikka esa 7 ta oltin medal bilan Shimoliy Koreya yakun yasadi.

Medallar jadvali — TOP-20 (11-kun yakunlari):

O‘rin	Mamlakat	Oltin	Kumush	Bronza	Jami
1	Xitoy	151	67	59	277
2	Yaponiya	50	77	73	200
3	Janubiy Koreya	24	30	49	103
4	O‘zbekiston	16	19	19	54
5	Tailand	12	10	12	34
6	Eron	11	16	12	39
7	Bahrayn	11	5	5	21
8	Hindiston	10	21	29	60
9	Qozog‘iston	9	16	31	56
10	Shimoliy Koreya	7	6	7	20
11	Malayziya	6	5	12	23
12	Gonkong	5	12	18	35
13	Indoneziya	4	7	20	31
14	Kuvayt	4	1	4	9
15	Xitoy Taypeyi	3	10	26	39
16	Qatar	3	6	4	13
17	Filippin	3	3	12	18
18	Singapur	2	6	3	11
19	Tojikiston	2	3	5	10
20	Vetnam	2	1	18	21

Osiyo o‘yinlarining qolgan kunlarida ham hamyurtlarimiz ishtirokidagi bir qator muhim final va medallar uchun bahslar bo‘lib o‘tishi kutilmoqda. Sportchilarimizga kelgusi startlarda ham omad tilaymiz!