Xabaringiz bor, 2018 yilning yanvar oyida O‘zbekiston milliy olimpiya qo‘mitasi prezidenti va O‘zbekiston futbol federatsiyasi 1-vitse prezidenti Umid Ahmadjonov Ispaniyaga tashrif buyurib, "Real Madrid" klubi akademiyasi direktori Xulio Ronko bilan o‘zaro hamkorlik bo‘yicha kelishuvga erishgan edi.
Ushbu kelishuvga asosan bugun 22 may kuni yurtimizga “Qirollik klubi” akademiyasining menejerlari Andres Antonio hamda Xuan Pablolar tashrif buyurishdi.
“Real Madrid” akademiyasi menejerlari bilan MOQ prezidenti va O‘FA birinchi vitse-prezidenti Umid Ahmadjonov uchrashuv o‘tkazdi.
Ushbu uchrashuvda "Qirollik klubi"ning Real Madrid Foundation Clinic dasturi asosida "Real Madrid"da faoliyat yuritayotgan murabbiylarni O‘zbekistonga olib kelish, ular ishtirokida futbol maktablarimizda mashg‘ulotlar o‘tkazish, futbolchilar bilan ishlash jarayonlari haqida o‘z tajribalari bilan o‘rtoqlashish masalalari muhokama qilindi.
Umid Ahmadjonov Ispaniya futboli bugungi kunda butun jahonda o‘z o‘rniga ega ekanligi, O‘zbekistonda ham Ispaniya futboli andozalari asosida ish olib borish yo‘lga qo‘yilishini ma’lum qildi. Shuningdek, “Real Madrid” akademiyasidan tashrif buyuradigan mutaxassislar uchun O‘FA tomonidan barcha shart-sharoitlar muhayyo qilinishi, asosiy maqsad “Qirollik klubi” akademiyasi ish tajribasini o‘rganish, u yerda faoliyat olib borayotgan mutaxassislardan yurtimizda futbolni rivojlantirish borasida tegishli maslahatlar olish ekani ta’kidlandi.
O‘z o‘rnida Andres Antonio O‘zbekistonga tashrif buyurganidan juda xursand ekanini, O‘zbekiston futbol assotsiatsiyasi bilan hamkorlikni yo‘lga qo‘ygan holda, bu yerda futbolning rivojiga hissa qo‘shishga tayyor ekanliklarini ma’lum qildi.
Uchrashuv oxirida Andres Antonio Umid Ahmadjonovga o‘zaro hamkorlik belgisi sifatida “Real Madrid” klubi futbolkasini taqdim qildi. O‘z o‘rnida Umid Ahmadjonov ham Andres Antonio va Xuan Pabloga O‘FAning esdalik sovg‘alarini topshirdi.
Ertaga ispaniyalik mutaxassislar “Bunyodkor” klubi stadioniga tashrif buyurib, u yerdagi shart-sharoitlar bilan tanishishadi. Shuningdek, soat 11:00da ular ishtirokida OAV vakillari uchun matbuot anjumani tashkil qilinishi rejalashtirilgan.
“Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Mariya Zaxarova ukrainaliklarni Amerika hindulariga o‘xshatdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Zoir Mirzayev “Telefonsiz maktab”ga 300 mln so‘m mukofot berdi
Amerikalik olimlar barcha uchun birdek foydali jismoniy faollik turini aniqladi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi
