Xiaomi 15 Ultra va yangi chip haqida dastlabki ma'lumotlar

Xiaomi 15 Ultra oʻzining maxsus ishlab chiqilgan "Small Surge" chipiga ega boʻladi. Biroq bu chipning qanday ishlashi hozircha noma'lum.

Insayder Kartikey Singxning (Kartikey Singh) soʻzlariga koʻra, Xiaomi kompaniyasining yangi flagman modeli oʻziga xos "Small Surge" chip bilan jihozlanadi. Singx avval Xiaomi 13 Ultra modeli haqida taqdimotdan oldin ma'lumot tarqatgan edi.

Xiaomi avvalroq Surge S1 deb nomlangan oʻzining birinchi chipsetini chiqargan, lekin u faqat bitta modelda ishlatilgan. Kompaniya yangi flagmanida toʻliq oʻziga xos SoC’dan foydalanishi ehtimoldan yiroq. Shu bilan birga, Surge P1 chiplari energiya boshqaruvi uchun ishlatilganini eslash mumkin.

Xiaomi 15 Ultra modelida Surge P2 yoki boshqa maxsus chip ishlatilishi ehtimoldan holi emas. Ammo bu chipning toʻliq funktsiyasi haqida hali ma'lumot yoʻq. “Zamin” yangiliklarini “Telegram”da kuzatib boring