Apple uzoq kutilgan iPhone Air modelini taqdim etdi — kompaniyaning eng yupqa smartfoni. Rozetked xabariga ko‘ra, bu model haqida mish-mishlar iPhone 16'dan keyin paydo bo‘lgan edi va nihoyat haqiqatga aylandi. Uning qalinligi — atigi 5,6 mm, korpusi esa titan ramkali.
Smartfon 6,5 dyuymli ekran bilan jihozlangan bo‘lib, u Ceramic Shield 2 bilan himoyalangan va 120 Hz ProMotion texnologiyasiga ega. Bu ekran ko‘zga qulay, silliq va yorqin.
Ichki qismlar ham zamonaviy: Apple bu modelda 3 nm texnologiyada ishlab chiqilgan A19 Pro chipini ishlatgan. Birinchi marta C1x modem va yangi N1 chipi (Wi-Fi va Bluetooth uchun) qo‘shilgan. Maqsad — maksimal energiya tejash.
Apple ta’kidlashicha, qurilma to‘liq ish kuni davomida ishlay oladi, ya’ni 40 soatgacha video ko‘rish mumkin. Air uchun yana MagSafe Battery Pack qaytdi — magnitli tashqi batareya.
Asosiy kamera endi faqat bitta — 48 MP, old kamera esa 18 MP, Center Stage funksiyasi bilan.
iPhone Air 19-sentabrdan sotuvga chiqadi, 256 GB xotirali versiyasi 999 dollar turadi. Siz shunday yupqa va zamonaviy telefonni tanlarmidingiz?
“Zamin”ni Telegramʻda oʻqing!
