Rossiyada kelajakdagi tovushdan tez uchar yo'lovchi samolyotining tashqi ko'rinishi tasdiqlandi. Yangi layner o'tkir to'g'ri burun qismiga ega bo'ladi va an'anaviy old oynalar bilan jihozlanmaydi. Bu haqda Ixbt.com xabar beradi.
GosNIIAS mutaxassisi Andrey Popovning so'zlariga ko'ra, parvozni boshqarish kabinadan to'g'ridan-to'g'ri ko'rish orqali emas, balki maxsus monitorlar va datchiklar yordamida amalga oshiriladi.
Samolyot korpusi aerodinamik jihatdan ancha takomillashtirilgan shaklda loyihalashtirilgan. Uning burun qismi "Tu-144" yoki "Concorde" modellaridagi kabi pastga tushmaydi.
Shunga qaramay, uchuvchilar uchun yerda harakatlanishni nazorat qilish maqsadida yon oynalar saqlab qolinadi. Yo'lovchilar uchun esa odatiy illyuminatorlar ko'zda tutilgan.
Institut ma'lumotlariga ko'ra, texnologiyalarning bir qismi allaqachon yaratilgan va maxsus stendlarda sinovdan o'tkazilgan. Shuningdek, ushbu tizimlar "Yak-40" samolyoti bazasidagi uchuvchi demonstratorda amaliyotda sinalgan.
“Zamin”ni Telegramʻda oʻqing!
