"Tricolor" o'rnatilgan sun'iy yo'ldosh qabul qilgichiga ega H32NS1 televizorini taqdim etdi

"Tricolor" sun'iy yo'ldosh televideniyesi operatori ichki qabul qilgichga ega H32NS1 televizorini ishlab chiqardi. Bu haqda Ixbt.com xabar beradi.

Kompaniya ushbu qurilmani Rossiyadagi birinchi sun'iy yo'ldoshli televizor deb atadi. Foydalanuvchilar alohida qabul qilgich sotib olishlari shart emas, faqat antennani ulash kifoya qiladi.

Yangi televizor 32 dyuymli ekran, 1366x768 pikselli ruxsat va aqlli funksiyalarga ega. Qurilma 2 GB tezkor xotira hamda Montage Sym4 protsessori bilan jihozlangan.

Televizor ikki xil rejimda ishlaydi. Internetsiz to'g'ridan-to'g'ri sun'iy yo'ldosh signalini qabul qilishi yoki Wi-Fi orqali tarmoqqa ulanishi mumkin.

Tarmoq rejimida onlayn kinoteatrlar va raqamli xizmatlar mavjud bo'ladi.

Qurilma "Tricolor" ekotizimiga integratsiya qilingan bo'lib, StingrayTV operatsion tizimida ishlaydi. Televizor Rossiya va Belarus hududida ishlab chiqarilmoqda.

Yangi model dastlab kompaniyaning rasmiy do'konlarida sotiladi. Uning narxi taxminan 16,4 ming rublni tashkil etadi.

Nodirbek Razzokov

«ZAMIN.UZ» muharriri

+ Zamin.uz saytini Google'ga qo'shing