Nemis olimlari quyosh nuridan to'g'ridan-to'g'ri vodorod ishlab chiqaruvchi panel yaratdi
Nemis olimlari Karlzrueda texnologiya instituti asosida yaratilgan P'hotreon kompaniyasi tomonidan quyosh nuridan to'g'ridan-to'g'ri vodorod ishlab chiqaruvchi yangi fotorrektor modulini taqdim etdilar. Ushbu prototip bir kvadrat metr maydonda suvdan vodorod olish imkoniyatini beradi va klassik ikki bosqichli jarayonni o'zgartiradi. P'hotreon tizimi quyosh nuri darhol kimyoviy reaktsiyani ishga tushiradi, bu esa tizimni sodda va mustaqil qiladi. Ushbu texnologiya, ayniqsa, vodorodga ehtiyoj seziladigan joylarda, masalan, kimyo va oziq-ovqat ishlab chiqarish sohalarida foydali bo'lishi kutilmoqda.
Karlsrue texnologiya instituti (KIT) negizida tashkil etilgan Photreon kompaniyasi Hannover Messe ko'rgazmasida vodorod ishlab chiqarish uchun yangi fotoreaktor modulini taqdim etdi. Bir kvadrat metr maydonga ega prototip quyosh nuri ta'sirida suvdan to'g'ridan-to'g'ri vodorod olish imkoniyatiga ega. Bu haqda Ixbt.com xabar beradi.
Kompaniya hammuassisi Pol Kantning so'zlariga ko'ra, ushbu texnologiya klassik ikki bosqichli sxemadan voz kechishga yordam beradi. Odatda quyosh energiyasi avval elektr energiyasiga aylanadi, so'ngra suvni elektroliz qilish uchun ishlatiladi.
Photreon tizimida esa quyosh nuri darhol kimyoviy reaksiyani ishga tushiradi.
Maxsus yorug'likka sezgir materiallar energiyani yutib, elektronlarni qo'zg'atadi. Keyin ular suv molekulalarini vodorod va kislorodga ajratish uchun xizmat qiladi.
Bunday yondashuv tizimni sodda va avtonom qiladi, chunki u elektr tarmog'iga qaram emas va alohida elektrolizatorni talab etmaydi.
Ishlab chiquvchilarning ta'kidlashicha, qurilma keng ko'lamda ishlab chiqarishga mo'ljallangan. Modulli panellardan binolar tomida ham, yuqori quyosh faolligi bo'lgan hududlarda yirik quyosh vodorod fermalari ko'rinishida ham foydalanish mumkin.
Ushbu texnologiya birinchi navbatda murakkab logistikasiz, joyning o'zida vodorodga muhtoj bo'lgan korxonalar uchun qiziqarli. Bunga maxsus kimyo, oziq-ovqat ishlab chiqarish va metallga ishlov berish sohalari, shuningdek, elektr tarmog'iga kirish imkoni yo'q hududlar kiradi.
Izohlar 0
…