"Samsung" smartfonlari uchun "One UI 9" interfeysi skrinshotlari tarqaldi
Samsung smartfonlari uchun yangi One UI 9 interfeysi haqida ma'lumotlar tarqaldi. Yangilikda mediapleerdagi aylantirish chizig'i joriy trekka moslashuvchi rangga ega bo'lishi kutilmoqda, bu esa interfeysga jonli ta'sir qo'shadi. Tarun Vats tomonidan taqdim etilgan ma'lumotlarga ko'ra, One UI 9 ning birinchi ichki sinov versiyasi mart oyida aniqlangan va Samsung Galaxy S26 Ultra qurilmasida uning ilk versiyasi videosi e'lon qilingan.
Ice Universe insayderi Samsung smartfonlari uchun mo'ljallangan yangi One UI 9 qobig'idagi qiziqarli o'zgarish haqida ma'lumot berdi. Mediapleyerda aylantirish chizig'i rangi joriy trekka sinxronlashuvchi va uning vizual uslubiga moslashuvchi funksiya paydo bo'ldi. Bu haqda Ixbt.com xabar beradi.
Dastlab bu haqda Tarun Vats xabar berib, interfeys elementi bevosita musiqa ijrosi vaqtida o'z rangini o'zgartirishini ta'kidladi. Bu noodatiy ko'rinishga ega bo'lib, interfeysga jonli taassurot qo'shadi.
Mart oyida ishlab chiqaruvchining serverlarida kelajakdagi Samsung Galaxy S26 seriyasi uchun mo'ljallangan One UI 9 ning birinchi ichki sinov versiyasi aniqlangan edi. Avvalroq Samsung Galaxy S26 Ultra qurilmasiga o'rnatilgan One UI 9.0 ilk versiyasi videosi e'lon qilingan.
Shuningdek, Tarun Vats One UI 8.0 beta-versiyasi rejalashtirilganidan ertaroq chiqishini aniq aytgan va Galaxy S24 hamda Galaxy S25 chiqish sanalarini oshkor qilgan edi.
Izohlar 0
…