Yulduzlararo 3I/ATLAS kometasi astronomlar kuzatuvi doirasidan chiqib ketdi. COBS kometalar katalogi ma’lumotlariga ko‘ra, mazkur osmon jismi bo‘yicha oxirgi tasdiqlangan kuzatuvlar 2026-yil 13-aprelda qayd etilgan va shundan buyon yangi ma’lumotlar kelib tushmagan. Natijada, obyekt qariyb bir oydan buyon kuzatuvchilarga ko‘rinmayapti. Bu haqda Ixbt.com xabar beradi.
Hisob-kitoblarga ko‘ra, 3I/ATLAS hozirda Yerdan bir milliard kilometrdan ortiq masofada, Yupiter va Saturn orbitalari oralig‘ida joylashgan. Uning yorqinligi taxminan 20-yulduz kattaligigacha pasaygan. Bu shuni anglatadiki, obyekt dekabr oyida Yerga yaqinlashgan paytidagiga nisbatan o‘n minglab marta xiraroq bo‘lib qolgan.
Nazariy jihatdan, yirik yer usti rasadxonalari 3I/ATLAS’ni uning yorqinligi 25-yulduz kattaligigacha pasaygunga qadar hali ham ilg‘ab olishi mumkin. Biroq mutaxassislarning fikricha, bu imkoniyat oynasi atigi 1–1,5 oy davom etadi. Shundan so‘ng obyekt ham yer usti, ham kosmik kuzatuv vositalari uchun butunlay ko‘rinmas holga keladi.
“Zamin”ni Telegramʻda oʻqing!
