Changyutgichlar ishlab chiqaruvchisi sifatida tanilgan Dreame kompaniyasi smartfonlar bozorini zabt etishga hozirlik ko'rmoqda. Mydrivers manbalariga ko'ra, kompaniyaning yangi Aurora turkumidagi smartfonlari 2026-yilning to'rtinchi choragida rasman sotuvga chiqariladi. Bu haqda Ixbt.com xabar beradi.
Yangi turkum uchta versiyadan iborat bo'ladi: oddiy flagman, modulli kameraga ega flagman hamda yuqori darajadagi maxsus (custom) versiya. Narxlar o'n minglab yuandan boshlanib, yuz minglab yuangacha yetishi kutilmoqda. Kompaniya ayniqsa maxsus versiya orqali o'z brendining nufuzini oshirishni maqsad qilgan.
Dreame global bozorga chiqish strategiyasini tanlagan bo'lib, sotuvlar bir vaqtning o'zida xalqaro va Xitoy ichki bozorida boshlanadi. Dastlabki bosqichda 100 000 dan ortiq qurilma sotish rejalashtirilgan. Asosiy savdo hajmi esa oddiy va modulli flagman modellar hissasiga to'g'ri keladi.
Avvalroq Ispaniyada bo'lib o'tgan taqdimotda kompaniya Aurora Nex LS1 prototipini namoyish etgan edi. Dreame Technology asoschisi va bosh direktori Yu Hao kompaniyaning smartfonlar bozorida yetakchilik qilish niyatida ekanligini qat'iy ta'kidladi.
“Zamin”ni Telegramʻda oʻqing!
