Rossiya bozorida Huawei kompaniyasining yangi aqlli soatlari — Watch Fit 5 va Watch Fit 5 Pro sotuvga chiqishiga tayyorgarlik koʻrilmoqda. Ushbu qurilmalarning xalqaro debyuti ikki hafta oldin boʻlib oʻtgan edi. Endilikda foydalanuvchilar rasmiy sayt orqali soatlarni band qilishlari va maxsus chegirmalarga ega boʻlishlari mumkin. Bu haqda Ixbt.com xabar beradi.
Xaridorlar 1 ming rubl miqdorida depozit kiritish orqali qurilmani rezerv qilishlari taklif etilmoqda. Ushbu depozitni amalga oshirgan mijozlar yakuniy toʻlov vaqtida 6 ming rubl miqdoridagi chegirmaga ega boʻladilar. Mazkur aksiya doirasida depozit kiritish muddati 2026-yil 28-mayga qadar davom etadi, qolgan summani esa 7-iyulgacha toʻlash lozim boʻladi.
Huawei Watch Fit 5 modeli 1,82 dyuymli AMOLED displey (480 x 408 piksel), 2500 nit yorqinlik va alyuminiy korpus bilan jihozlangan. Qurilma 5 ATM va IP6X suvdan himoya standartlariga ega boʻlib, Bluetooth 6.0, NFC hamda GPS tizimlarini qoʻllab-quvvatlaydi. Akkumulyator quvvati esa 10 kungacha yetadi.
Yuqori talabga ega Watch Fit 5 Pro modeli esa 1,92 dyuymli AMOLED ekran, 3000 nit yorqinlik va sapfir shisha bilan himoyalangan. Shuningdek, ushbu model titanli bezelga ega. Soatlarning asosiy modeli kumushrang, binafsharang, yashil, oq va qora ranglarda, Pro versiyasi esa toʻq sariq, oq va qora ranglarda taqdim etilmoqda.
“Zamin”ni Telegramʻda oʻqing!
