Foto: AP
Amerikalik olimlar tungi sun’iy chiroqlar ta’siri va Alsgeymer kasalligining paydo bo‘lishi xavfi o‘rtasidagi bog‘liqlikni o‘rgandi.
Tadqiqot natijalari Frontiers in Neuroscience jurnalida e’lon qilindi, deb xabar bermoqda The Guardian.
Tadqiqotchilar AQSHda yorug‘likdan ifloslanish bo‘yicha 2012–2018 yilgi sun’iy yo‘ldosh kuzatuv ma’lumotlarini tahlil qildi, shuningdek, Alsgeymer kasalligining tarqalishi bo‘yicha Medicare — milliy tibbiy sug‘urta dasturining statistik ma’lumotlarini o‘rgandi. Olimlarning xulosasiga ko‘ra, tungi chiroqlarning uzoq ta’siri kasallikning rivojlanishi xavfini oshirishi mumkin.
Tadqiqot mualliflarining ta’kidlashicha, ko‘cha chiroqlari va boshqa yorug‘lik manbalari yo‘llarda xavfsizlikni yaxshilashga va jinoyatchilikni kamaytirishga yordam bersa-da, ular inson salomatligiga salbiy ta’sir ko‘rsatishi mumkin. Tadqiqotchilar tunda sun’iy yorug‘lik insonning ichki bioritmlariga ta’sir qilishi, ularni buzishi va organizmning turli kasalliklarga, shu jumladan, Alsgeymerga nisbatan zaifligini oshirishi mumkin, degan xulosaga keldi.
Bu holat, ayniqsa, 65 yoshdan kichik odamlarda kuzatiladi. Biroq olimlar ta’kidlashicha, diabet, gipertoniya, depressiya va spirtli ichimliklarni iste’mol qilish kabi boshqa omillar tungi yorug‘likka qaraganda salomatlik uchun xavfliroq bo‘lib qolmoqda.
Tadqiqotga boshqa tomondan nazar
Pensilvaniya universiteti qoshidagi Penn xotira markazi olimi Jeyson Karlavish Medicare ma’lumotlari doim ham bemorlarning butun hayot tarixini to‘liq aks ettirmasligini aytdi. Bundan tashqari, tadqiqot mualliflari Alsgeymerning yangi holatlari chastotasini emas, balki muayyan vaqt oralig‘ida tarqalishi o‘rganilganini ta’kidlagan.
O‘z navbatida, klinik nevrolog Devid Knopman sun’iy yo‘ldosh ma’lumotlarining aniqligiga shubha bildirdi. Uning fikricha, bu ma’lumotlar tabiiy yorug‘lik va uylardagi pardalarni hisobga olmaydi. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Malayziya bosh vaziri G‘arbni ikkiyuzlamachilikda aybladi
AQSH rasmiylari: Isroil va HAMAS o‘rtasidagi kelishuv yakunlanish arafasida
Haybatni kuchaytirish uchun 8 ta tavsiya
CNN taslim bo‘lgan ukrainalik askarlarning otib tashlanishi aks etgan videoni e’lon qildi
Endi tadbirkorlarning tovarlari erkin harakatlanishini cheklashga yo‘l qo‘yilmaydi
Lavrov «qizil chiziqlar bo‘yicha hazillashmaslik kerakligi»ni aytdi
HBO “Taxtlar o‘yini” buyumlarini kimoshdi savdosiga qo‘ymoqda
Jaloliddin Masharipov: "Yaxshi o‘ynadik deya olmayman, asosiysi g‘alaba"