Buyrak salomatligi uchun eng foydali sabzavot...

^{Foto: Alamy}
Buyraklar organizmda muhim funktsiyalarni bajaradi, qonni filtrlaydi va suv muvozanatini tartibga soladi. Ularning salomatligini diqqat bilan kuzatib borish lozim, chunki sogʻlom buyraklarsiz organizm samarali ishlay olmaydi.

Mutaxassislar xulosasiga koʻra, buyrak salomatligini qoʻllab-quvvatlaydigan eng yaxshi sabzavot — bu karam. Darhaqiqat, karam koʻplab foydali ozuqa moddalarini oʻz ichiga oladi va buyrak salomatligini ta'minlashda yordma beradi. AQSh qishloq xoʻjaligi vazirligi tomonidan taqdim etilgan ma'lumotlarga koʻra, bir stakan toʻgʻralgan karam tarkibida 82,1 gramm suv, 2,22 gramm oʻsimlik tolasi, 35 milligramm kaltsiy, 151 milligramm kaliy va 16 milligramm natriy mavjud. Buyrak kasalliklarini davolashda uchun moddalar muhim rol oʻynaydi.

^{Foto: iStock}
Dietolog Jeyn Grin Hend karamni muntazam iste'mol qilish kerak boʻlgan mahsulotlar sirasiga qoʻshish kerakligini tavsiya qiladi, bunga ikki asosiy sabab bor: “Buyraklarning yosh va sogʻlom boʻlishi uchun ularni natriy bilan ortiqcha yuklamaslik tavsiya etiladi, buyrak kasalligi bilan ogʻrigan bemorlar uchun esa kaliy va oqsil ham ortiqcha yuk boʻlishi mumkin, shuning uchun karam eng yaxshi tanlovdir”, deya tushuntirdi mutaxassis.

Har qanday turdagi — xom yoki pishirilgan karam buyraklarni detoksikatsiya qilishga yordam beradi, chunki sabzavot C vitamini, foliy kislotasi, B6 vitamini va oʻsimlik tolalariga boy.

Karamning yagona salbiy tomoni uning hazm qilish tizimiga ta'siri boʻlishi mumkin. Xususan, ichaklarida muammosi bor insonlarda karam iste'molidan keyin oshqozonda gazlar hosil boʻladi va qorin dam boʻladi. Shuningdek, karam ba'zi dorilarning, jumladan qonni suyultiruvchi vositalarning samaradorligiga ta'sir qilishi mumkin. “Zamin” yangiliklarini “Telegram”da kuzatib boring