Jahon tibbiyotida inqilobiy yangilik — AQSHda 100 foiz samarali deb baholanayotgan “Yeztugo” nomi ostidagi yangi vaksina taqdim etildi. Bu dori vositasi virus tarqalishini to‘liq to‘sish qobiliyatiga ega ekani klinik sinovlar orqali isbotlangan.
“Yeztugo” allaqachon 7000 nafar ixtiyorchi ishtirok etgan keng qamrovli klinik sinovlardan muvaffaqiyatli o‘tgan. Eng muhim tomoni shundaki, preparat yiliga bor-yo‘g‘i ikki marta qo‘llanadi va shunga qaramay, u hatto xavfli aloqalar paytida ham yuqishning oldini oladi. Shu bois vaksina shifokorlar orasida “biologik prezervativ” nomini olgan.
Mutaxassislar ta’kidlashicha, ushbu preparatning yaratilishiga 20 yil vaqt sarflangan. Uning to‘liq samarasi va xavfsizligi sinovlarda to‘liq tasdiqlangan. AQSH hukumati dori vositasini mamlakatga yetkazib berishni 2025-yil oxirigacha boshlashni rejalashtirgan. Keyinchalik dunyo bo‘ylab keng tarqatilishi kutilmoqda.
Mazkur vaksina nafaqat virus yuqishining oldini oladi, balki kelgusi pandemiyalarga qarshi ham ishonchli himoya tizimi sifatida xizmat qilishi mumkin. Shuningdek, u inson organizmida uzoq muddatli immunitet hosil qilishi bilan ajralib turadi.
“Yeztugo” kelajakda global sog‘liqni saqlash tizimida yangi davrni boshlab berishi mumkin — mutaxassislar uni insoniyatni xatarli viruslardan to‘liq himoya qiladigan birinchi vosita sifatida baholamoqda. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
