Ko‘k piyoz inson salomatligi uchun qadimdan muhim deb hisoblangan sabzavotlardan biridir. Uning o‘tkir ta’mi va o‘ziga xos hidi nafaqat oshxonada, balki xalq tabobatida ham keng qo‘llanib kelinadi. Ayniqsa, bahor va yoz oylarida ko‘k piyoz dasturxonlardan ko‘p joy oladi va salomatlik uchun qimmatli manba hisoblanadi.
Foydali moddalar va vitaminlar
Ko‘k piyozning tarkibi vitamin va minerallarga boy. Unda A, B, C va K vitaminlari juda ko‘p miqdorda uchraydi. Ayniqsa, S vitamini immunitetni mustahkamlashda alohida ahamiyatga ega. U virus va bakteriyalarga qarshi tabiiy to‘siq yaratib, shamollash yoki gripp kabi kasalliklarning oldini oladi.
Ko‘k piyozda mavjud fitonsidlar esa tabiiy antibiotik vazifasini bajaradi. Ular zararli mikroorganizmlarni yo‘q qiladi, yallig‘lanish jarayonlarini kamaytiradi va organizmni ichki xavflardan asraydi.
Yurak va qon aylanish tizimi uchun foyda
Ko‘k piyozning yana bir muhim jihati — yurak va qon tomirlar faoliyatini qo‘llab-quvvatlashidir. Undagi flavonoidlar qon bosimini me’yorga keltiradi, qon aylanishini yaxshilaydi va tomir devorlarini mustahkamlaydi. Bu esa insult va yurak xuruji xavfini kamaytiradi.
