Chakanda (oblepixa) mevasidan tayyorlangan sovun so‘nggi yillarda sog‘lom turmush tarafdorlari orasida mashhurlikka erishmoqda. Bu bejiz emas, chunki chakanda teri uchun haqiqiy shifo manbai hisoblanadi.
Avvalo, chakanda yog‘i tarkibida A, E, C va K vitaminlari, shuningdek, tabiiy antioksidantlar juda ko‘p. Shu sababli bunday sovun terini chuqur oziqlantiradi, qurib qolishdan himoya qiladi va mayda ajinlarning oldini oladi.
Yana bir muhim jihati — chakanda sovuni yallig‘lanishga qarshi xususiyatga ega. U husnbuzar va mayda yaralarni tezroq bitishiga yordam beradi, terini tinchlantiradi. Shu bilan birga, teriga tabiiy yorqinlik baxsh etib, uni sog‘lom ko‘rinishda saqlab turadi.
Mutaxassislar ayniqsa quruq, sezgir yoki tashqi muhitdan tez ta’sirlanadigan teri egalari uchun chakanda sovunidan foydalanishni tavsiya etishadi. Undan muntazam foydalanish terini yumshoq, silliq va jilvali qiladi.
Chakanda sovuni — kimyo aralashmasiz, tabiiy vositalar orqali go‘zallikka erishishni istaganlar uchun eng yaxshi tanlovlardan biridir.
