Ko‘pchilik kundalik hayotda vaqt tanqisligi sabab shoshilib ovqatlanishga odatlanib qolgan. Biroq mutaxassislar bu odat organizm uchun zararli bo‘lishi mumkinligini ta’kidlamoqda. Ovqatni juda tez yeyish hazm jarayonini qiyinlashtirib, oshqozonga ortiqcha yuklama beradi.
Shuningdek, inson shoshib ovqatlanganda taomni yetarlicha chaynamaydi. Bu esa qorin dam bo‘lishi, og‘irlik hissi va hazm bilan bog‘liq muammolarga olib kelishi mumkin. Mutaxassislar fikricha, miya to‘yganlik signalini taxminan 20 daqiqada qabul qiladi. Tez ovqatlanish esa insonning me’yordan ortiq ovqat yeyishiga sabab bo‘ladi.
Shifokorlar sekin va xotirjam ovqatlanishni tavsiya etadi. Ovqatni yaxshilab chaynash nafaqat hazmni yengillashtiradi, balki organizmga ozuqa moddalarini yaxshiroq o‘zlashtirishga ham yordam beradi. Shuning uchun ovqatlanish vaqtida shoshmaslik va diqqatni taomga qaratish muhim hisoblanadi.
“Zamin”ni Telegramʻda oʻqing!
