Pomidor eng ko‘p iste’mol qilinadigan sabzavotlardan biri hisoblanadi. U vitaminlarga boy bo‘lib, organizm uchun foydali sanaladi. Ayniqsa, tarkibidagi C vitamini, kaliy va antioksidantlar yurak salomatligini qo‘llab-quvvatlashga yordam beradi.
Biroq mutaxassislarning ta’kidlashicha, pomidorni me’yoridan ortiq iste’mol qilish ayrim insonlar uchun noqulaylik tug‘dirishi mumkin. Oshqozonida kislotalilik yuqori bo‘lgan odamlarda pomidor jig‘ildon qaynashi, gastrit yoki reflyuks alomatlarini kuchaytirishi ehtimoli bor.
Shuningdek, buyrak faoliyatida muammosi bo‘lgan insonlar ham pomidorni ehtiyotkorlik bilan iste’mol qilishi tavsiya etiladi. Sababi, pomidor tarkibidagi ayrim moddalar organizmda tuz to‘planishiga ta’sir qilishi mumkin. Allergiyaga moyil odamlar orasida ham pomidorga sezuvchanlik uchrab turadi.
“Zamin”ni Telegramʻda oʻqing!
