“Бек Барака”да 17,4 минг долларни 43,5 миллион сўмга сотишга уринган валютафурушлар қўлга олинди

Тошкентда валютафурушлик ортидан бойишни мақсад қилган уч киши қўлга олинди. Бу ҳақда Бош прокуратуранинг “Ҳуқуқ” газетаси хабар бермоқда.

Улар ўзаро жиноий тил бириктириб, бир аёлга Зангиота тумани ҳудудида жойлашган “Бек Барака” савдо мажмуасида 17,4 минг долларни 43,512 миллион сўмга сотаётган вақтда қўлга олинган.

Ҳодиса қачон содир бўлганига аниқлик киритилмаган. “Суд қонунбузарларга нисбатан ўзининг одилона ҳукмини ўқиди”, – дейилади газета хабарида.

Манба: www.kun.uz “Zamin”ни Telegram'да ўқинг!