“Ўзгидромет” дам олиш кунларидаги об-ҳаво ҳақида маълумот берди

Дам олиш кунлари жойларда ёмғир ёғиши кутилмоқда, деб «Ўзгидромет» агентлиги хабар берди.

Жума куни, 4 апрелда, республика ҳудудининг катта қисмида қуруқ об-ҳаво кузатилади. Шунингдек, кечга томон ва 5 апрель куни айрим жойларда қисқа муддатли ёмғир ёғиши, момақалдироқ бўлиши мумкин.

Қорақалпоғистон Республикаси ва Хоразм вилоятида 4 апрел куни кундузи айрим ҳудудларда қисқа муддатли ёмғир ёғиши мумкин. 5 апрелда эса ёғингарчилик кутилмайди.

6 апрель куни эса мамлакатнинг баъзи ҳудудларида ёмғир ёғиши ва момақалдироқ бўлиши мумкин.

4–6 апрель кунлари ҳарорат фони анча юқори бўлиб қолади. Кундузги ҳарорат +23...+28 даража, айрим жойларда эса +30 даражагача исиши мумкин.

Шамолнинг тезлиги 7–12 м/сония атрофида бўлиб, айрим жойларда 15–20 м/сониягача кучайиши мумкин.

Тошкент шаҳрида 4 апрел куни кундузи ёмғир кутилмайди. Кечга томон ва 5 апрель кечаси ҳамда эрталаб вақтларида ёмғир ёғиши мумкин. 5 апрел кундузи эса қисқа муддатли ёмғир ёғиши, момақалдироқ бўлиши мумкин.

6 апрель кунининг иккинчи ярмида ёмғир ёғиши эҳтимоли бор, момақалдироқ кузатилиши мумкин.

Шамол 5–10 м/сония атрофида эсади, 4 апрелда кечга томон 12–15 м/сониягача кучайиши мумкин.

Ҳарорат:
- 4 апрел куни кундузи: +28...+30 °С
- 5–6 апрель кунлари кундузи: +23...+26 °С
- кечалари: +12...+15 °С “Замин” янгиликларини “Telegram”да кузатиб боринг