Тилла парвозда, доллар эса юришда: Қайси бирига сармоя фойдалироқ?

Сўнгги ойлар ичида Ўзбекистонда аҳолининг энг кўп муҳокама қилаётган мавзуларидан бири — тилла ва доллар нархининг ўсиши. Қайси бири тезроқ ўсмоқда? Қайси бирига сармоя киритиш ҳозирда фойдалироқ? Келинг, реал рақамлар асосида таҳлил қиламиз.

Рақамлар нима дейди?

Тилла нархи:
- 2025-йил феврал ойида 1 грамм тилла нархи 1 236 000 сўм эди.
- 2025-йил 21-май ҳолатига эса 1 грамм тилла 1 402 250 сўмга етди.

Бу дегани, уч ой ичида тилла нархи деярли 170 минг сўмга, яъни 13,5% атрофида ошди.

Доллар курси:
- 2025-йил феврал ойи охирида: 12 400 – 12 600 сўм оралиғида.
- 2025-йил 21-май куни: 12 892,91 сўм.

Бу эса тахминан 2–3% кўтарилишни кўрсатади.

Ким ютмоқда?
Агар сиз 2025-йил февралида 10 миллион сўмлик тилла сотиб олган бўлсангиз, ҳозир унинг қиймати 11,3 миллиондан ошган бўлар эди. Аммо ўша пулни долларга айлантирган бўлсангиз, ҳозир атиги 10,2 миллион сўм атрофида қийматга эга бўлади.

Нега тилла тезроқ ўсмоқда?
- Глобал иқтисодий беқарорлик ва геосиёсий хавотирлар сабабли халқаро бозорларда тиллага бўлган талаб ошди.
- Инфляция хавфи ортган сари, одамлар қоғоз валюталардан кўра реал бойлик – олтин каби қимматбаҳо металларни афзал кўрмоқда.

Тилла – тарихий ишонч рамзи. Инқироз пайтида ҳам ўз қийматини сақлаб қолади ёки ошади.

Аммо эҳтиёт бўлинг:
- Тилла нархи ҳам глобал бозорлардаги янгиликлардан таъсирланади.
- Доллар эса барқарорлик тимсоли сифатида, узоқ муддатли сармояда хавфсизроқ вариант бўлиши мумкин. «Замин»ни Telegram’да ўқинг!