2025 йилнинг иккинчи чорагида Ўзбекистонда ички юк ташиш хизматлари учун тарифлар ўтган йилнинг шу даврига нисбатан 37% га ошган, деб ATI Халқаро юк ташиш биржаси маълум қилди, деб Kursiv хабар берди.
ATI таҳлилчиларига кўра, ички юк ташиш бозорида фаоллик сезиларли даражада ошган. Мамлакат бўйлаб юк етказиб беришга қаратилган аризалар сони ўтган йилнинг иккинчи чорагига нисбатан 73% га кўпайган.
Бу тенденция Давлат статистика қўмитаси маълумотлари билан ҳам тасдиқланади. 2025 йилнинг биринчи беш ойида транспорт хизматлари бозори 14% га ўсиб, 70,7 трлн сўмга етган.
Экспорт юк ташиш хизматлари тарифлари эса барқарор қолган. Аммо чет элларга юк етказиш бўйича аризалар сони чорак якунларига кўра 89% га ўсган. Энг кўп юк экспорт қилинган йўналишлар — Россия, Қозоғистон, Қирғизистон ва Беларусь.
Импорт юк ташиш хизматларига аризалар сони ўтган йилга нисбатан 34% га ошган бўлса-да, аввалги чоракка нисбатан 15% га камайган. Бу соҳага оид тарифлар эса ўзгармаслигича қолган. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
