Ўзбекистон Республикаси Бош прокурорининг тегишли фармойишига мувофиқ, қатор раҳбар кадрлар ўз аризалари асосида лавозимларидан озод этилди.
Хусусан, Адлия катта маслаҳатчиси Иноят Раҳматуллаевич Шукуров шахсан ўз хоҳишига кўра берган аризасига асосан Бош прокуратура ҳузуридаги Иқтисодий жиноятларга қарши курашиш департаменти бошлиғининг биринчи ўринбосари вазифасидан озод қилинди. У шунингдек, ушбу департамент тизимидаги лавозимидан ҳам бўшатилди.
Шунингдек, Адлия катта маслаҳатчиси Муҳаммаджон Набижонович Рузматов ҳам ўз хоҳишига кўра берган аризасига асосан Бош прокуратура ҳузуридаги Иқтисодий жиноятларга қарши курашиш департаментининг Тошкент шаҳар бошқармаси бошлиғи лавозимидан озод қилинди. У ҳам департамент тизимидаги ишидан озод этилди.
Мазкур кадр ўзгаришлари юқори раҳбариятдаги шахсий қарорлар асосида амалга оширилди. Ҳозирда ушбу лавозимларга янги номзодларни танлаш бўйича тегишли тартибда ишлар олиб борилаётгани тахмин қилинмоқда.
«Замин»ни Telegram’да ўқинг!
