Тошкент шаҳрида йирик реконструкция ишлари сабаб йўл ҳаракатига вақтинча чекловлар жорий этилмоқда. Ҳокимлик матбуот хизмати тарқатган маълумотларга кўра, Шота Руставели кўчасида олиб борилаётган таъмирлаш ва янгилаш ишлари муносабати билан айрим участкаларда автотранспорт ҳаракати вақтинча тўхтатиб турилади.
Аниқланишича, чеклов Чўпонота ҳамда Шота Руставели кўчалари кесишмасидан (маълум “Биродарлик қабрлари” ёдгорлиги ҳудуди) то Шота Руставели кўчасининг Миробод кўчаси билан кесишишигача бўлган оралиққа (“Гранд Mир” меҳмонхонаси айланаси) қўлланади.
Йўл ҳаракатига нисбатан мазкур чеклов 2025 йилнинг 24 август санасидан 31 август кунига қадар амал қилади.
“Юзага келиши мумкин бўлган вақтинча ноқулайликлар учун узр сўраймиз. Ҳайдовчилардан эса йўналишларини олдиндан режалаштиришларини ҳамда муқобил йўллардан фойдаланишларини тавсия этамиз”, — дейилади расмий хабарда.
«Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг
Мавзуга оид янгиликлар
