Самарқанд вилояти аҳолиси учун яхши хабар: вилоят ҳокимлиги мактабга бораётган болалар учун бепул автобус қатновини йўлга қўйди. Бу ҳақда расмийлар маълумот берди ва ижтимоий тармоқларда кенг муҳокамаларга сабаб бўлган ҳолатга муносабат билдирди.
Маълум бўлишича, воқеа 3 сентябрь куни Пахтачи туманининг Фай маҳалласида содир бўлган. Нуробод тумани Сахоба маҳалласидан ҳаракатланувчи “Оқтош-Шахзод транс” МЧЖ автобус ҳайдовчиси Назаробод қишлоғидан мактабга кетаётган 22 нафар ўқувчини пул тўламагани сабаб автобусга олмаган. Уларнинг 19 нафари 28-мактабга, 3 нафари эса 34-мактабга қатнашган.
Бу ҳолат ижтимоий тармоқларда кенг муҳокамаларга сабаб бўлди. Одамлар болаларнинг таълимга кириши учун қийинчиликларга дуч келганини қайд этишди. Шу боис, Самарқанд вилояти Мактабгача ва мактаб таълими бошқармаси расмий изоҳ бериб, вазиятни тушунтирди ва зарур чоралар кўрилганини маълум қилди.
Ҳодиса юзасидан автобус ҳайдовчисига нисбатан интизомий жазо қўлланди. Энди бу турдаги хатолар такрорланмаслиги учун ҳар томонлама назорат олиб борилади.
Шунингдек, 4 сентябрдан бошлаб вилоят ҳокимлиги ташаббуси билан Фай маҳалласидаги барча мактаб болалари учун бепул автобус қатнови йўлга қўйилди. Энди болалар ҳар қандай қийинчиликка дуч келмасдан, ўз вақтларида мактабга бора олади ва таълим олишда барқарорлик таъминланади.
«Замин»ни Telegram’да ўқинг!
