Тошкeнт шаҳрининг Юнусобод туманида рўй берган босқинчилик фош этилди

Тўрт номаълум шахс Тошкент шаҳар Юнусобод туманида яшовчи фуқаронинг уйига бостириб кириб, уй қоровулини пичоқ билан қўрқитиб, қўл оёқларини боғлаб, DVR видео-ресивери ва уй эшиклари калитларини олиб, дераза ойнасини синдириб, воқеа жойидан яширинган.

Ўзбекистон ИИВ матбуот хизмати хабарига кўра, олиб борилган тезкор-қидирув тадбирлари натижасида ушбу жиноятни Тошкент шаҳрида яшовчи тўрт нафар шахслар содир этганлиги аниқланиб, гумонланувчилар “иссиқ изида” қўлга олинди.

Қайд этишларича, ҳозирги вақтда уларга нисбатан Жиноят кодексининг тегишли моддалари билан жиноят иши қўзғатилиб, ҳозирда тергов ҳаракатлари олиб борилмоқда.

Манба: www.kun.uz «Замин»ни Telegram’да ўқинг!