Тошкент шаҳар ҳокимлиги Очиқ маълумотлар портали орқали эълон қилган статистикага кўра, 2018 йилдан 2025 йилнинг август ойига қадар Республика бўйича умумий 32 028 та йўл-транспорт ҳодисалари (ЙТҲ) қайд этилган. Бу кўрсаткичлар пойтахтдаги йўл ҳаракати хавфсизлиги ва транспорт тизими билан боғлиқ ҳолатларни тўлиқ намоён қилади.
Муттахассислар қайд этишича, 2018-2024 йиллар давомида йиллик ўртача қиймат, яъни йил давомида 4 350 та ЙТҲ содир бўлишига нисбатан, 2025 йилда ушбу кўрсаткич 10,02 фоизга ошган. Бу кўрсаткичлар айниқса 2023 йил 1 апрелидан кучга кирган янги қоидалар — шаҳарларда ҳаракат тезлигини 70 км/соатдан 60 км/соатга тушириш — натижасида янада ўсгани билан эътиборли.
Агар йиллар кесимида кўздан кечирсак, 2021 йилда пойтахтда 3 452 та ЙТҲ содир бўлган бўлса, 2022 йилда бу рақам 5 094 тага, 2023 йилда 4 733 тага, 2024 йилда эса 5 008 тага етган. 2025 йилнинг январь-август ойлари орасида эса ЙТҲлар сони 4 350 тага яқинлашган. Жорий йилнинг апрель-июль ойларида эса ҳар ойда пойтахтда йўл-транспорт ҳодисалари сони 630-640 та атрофида бўлган.
Ҳодисаларнинг географик тақсимоти ҳам аҳамиятлидир. 2018-2025 йилларда пойтахт туманлари кесимида ЙТҲлар сони қуйидагича қайд этилган:
1. Юнусобод – 4 232 та;
2. Чилонзор – 4 214 та;
3. Яшнобод – 3 219 та;
4. Мирзо Улуғбек – 3 136 та;
5. Шайхонтоҳур – 2 917 та;
6. Олмазор – 2 806 та;
7. Учтепа – 2 594 та;
8. Серегли – 2 322 та;
9. Миробод – 2 161 та;
10.Яккасарой – 1 719 та;
11.Бектемир – 1 596 та;
12.Янгиҳаёт – 1 041 та;
«Замин»ни Telegram’да ўқинг!
