2025/2026 йилги иситиш даврида аҳолини қўллаб-қувватлаш мақсадида давлат томонидан эҳтиёжманд оилалар учун махсус бир марталик моддий ёрдам тақдим этилиши режалаштирилмоқда. Жорий йил ноябрь ойида ушбу ёрдам миқдори 1 000 000 сўмни ташкил этади ва у қийин аҳволдаги оилаларнинг иситиш харажатларини енгиллатишга қаратилган. Бу ҳақда Ижтимоий ҳимоя миллий агентлиги Ахборот хизмати расмий маълумот берди.
Ёрдамдан қуйидаги тоифадаги шахс ва оилалар фойдаланиши мумкин:
-“Ижтимоий ҳимоя ягона реестри” орқали болалар нафақаси ёки моддий ёрдам олувчи оилалар;
-“Камбағал оилалар реестри”даги оилалар;
-“Маҳалла еттилиги” томонидан тайёрланган қўшимча рўйхатга киритилган оилалар.
Қўшимча рўйхатга киритиладиган оилаларнинг устувор тоифалари қуйидагилардан иборат:
-боқувчисини йўқотган оила аъзолари;
-I ёки II гуруҳ ногирони бўлган шахслар қўшилган оилалар;
-ногиронлиги бор болани тарбиялаётган оилалар;
-иситиш тизими йўқ кўп қаватли уйларда яшовчи аҳоли;
-3 ва ундан ортиқ оила бир хонадонда яшовчи аҳоли;
-оғир касалликка чалинган беморни парваришлаётган оилалар;
-ёлғиз кекса ёки ногиронлиги бўлган фуқаролар.
Агар сиз ушбу тоифалардан бирига мансуб бўлсангиз, жорий йил 25-сентябргача “Маҳалла еттилиги”га мурожаат қилишингиз лозим. Бу чоралар орқали давлат эҳтиёжманд оилаларнинг иситиш харажатларини камайтириб, уларнинг ҳаётини енгиллаштиришни мақсад қилган.
«Замин»ни Telegram’да ўқинг!
