Субсидияга ариза топшириш бошланди: янги шартлар ва балл тизими

Ўзбекистонда ипотека кредитлари бўйича субсидиялар учун ариза топшириш жараёни янги тизимга кўра 2 октябрдан қайта йўлга қўйилди. Бу жараёнда ижтимоий мезонлар асосида балл тизими қўлланилади. Давлат хизматлари марказларига ёки my.gov.uz портали орқали онлайн тарзда ариза бериш мумкин.

Аризаларни қабул қилишда асосий эътибор ойлик даромадга, қўшимча мезонларга ва ижтимоий аҳволга қаратилган. Масалан, Қорақалпоғистон ва вилоятларда даромадлар 3 431 700 сўмдан 8 897 000 сўмгача бўлган ҳолда 10 балл, Тошкентда эса 3 431 700 сўмдан 10 168 000 сўмгача бўлган даромад 10 балл олишга тегишли.

Қўшимча мезонлар орасида турар-жойи бўлмаганлар, меҳнат мигрантлари, олис ҳудудларда ишлайдиган мутахассислар ва ижтимоий аҳволи оғир бўлган аёллар учун балл тизимига янада кўп имкониятлар яратилади.

Буни амалга оширишда ижтимоий мезонлар ва балл тизими жуда муҳим аҳамиятга эга, бу субсидияларнинг тўғри ва адолатли тақсимланишини таъминлайди.

Aziza Shukhratova

«ZAMIN.UZ» муҳаррири