Ўзбекистонда таълим олиш учун келган хорижлик талабалар сонининг шу йилнинг сўнгги 8 ойидаги маълумотлари эълон қилинди. Миллий статистика қўмитасининг хабар беришича, мазкур даврда мамлакатга таълим олиш мақсадида 14 216 нафар чет элдан талабалар кириб келган. Бу кўрсаткич ўтган йилнинг мос даврига нисбатан сезиларли равишда ўсган бўлиб, 3 179 нафарга кўп бўлиб, ўсиш суръати 28,8 фоизга етган.
Хориждан келган талабалар сони билан Ўзбекистон таълим соҳасида кенг тарқалаётган халқаро эътиборни яққол кўрсатади. Энг кўп талабалар Туркманистондан келган, уларнинг сони 4 603 нафарни ташкил этади. Энг кам талабалар эса Жанубий Африка Республикасидан келган бўлиб, уларнинг сони 98 нафар.
Таълим олиш учун Ўзбекистонга келган хорижлик талабаларнинг келиб чиқиш давлатлари бўйича маълумотлар шундай тақсимланади:
Туркманистон — 4 603 нафар
Ҳиндистон — 3 477 нафар
Тожикистон — 1 392 нафар
Хитой — 710 нафар
Покистон — 700 нафар
Жанубий Корея — 553 нафар
Қирғизистон — 333 нафар
АҚШ — 319 нафар
Филиппин — 245 нафар
Туркия — 233 нафар
Афғонистон — 226 нафар
Миср — 203 нафар
Россия — 121 нафар
Буюк Британия — 110 нафар
Жанубий Африка Республикаси — 98 нафар
Бошқа давлатлар — 893 нафар
Шунингдек, 2024/2025 ўқув йили бошига кўра, Ўзбекистондаги олий таълим муассасаларида таҳсил олаётган хорижлик талабаларнинг умумий сони 12,5 минг нафарни ташкил этаётгани ҳақида хабар берилган эди. Бу ўринда таъкидлаш лозимки, Ўзбекистонда хориждан келган талабаларнинг сони ҳар йили ўсиб бормоқда, бу эса мамлакатнинг халқаро таълим майдонидаги нуфузининг ортишига олиб келмоқда.
“Zamin”ни Telegram'да ўқинг!
