Ўзбекистонда юқори барқарорлик рейтингига эга тадбиркорлар қайси соҳаларда фаолият юритиши ҳақида янги маълумотлар эълон қилинди. Бу ҳақда Солиқ қўмитаси матбуот хизмати хабар берди.
Маълумотларга кўра, 2025 йил 1 октябрь ҳолатига кўра, Ўзбекистонда 11,9 минг нафар тадбиркор юқори барқарорлик рейтингига эришган бўлиб, шундан 2 270 нафар бизнесмен ААА категориясидаги юқори рейтингга эга. Қолган тадбиркорлар орасида 101,3 минг нафар орта барқарорлик, 246,4 минг нафари қониқарли рейтингда, 194 минг нафари эса қуйи рейтингдаги мавқега эга.
Юқори рейтингга эга бизнесменлар асосан 4 минг нафари хизмат кўрсатиш соҳасида, 4 минг нафаридан савдо, 1,7 минг нафари саноат, 767 нафари қурилиш, 231 нафари эса қишлоқ хўжалиги соҳаларида фаолият юритади. Бу соҳаларда фаолият юритган тадбиркорлар мамлакат иқтисодиётининг муҳим тармоқларида ўз ўрнини топганини кўрсатади.
Рейтингда юқори ўринлардаги тадбиркорларнинг катта қисми Тошкент шаҳаридан (4 минг нафар), Тошкент вилоятидан (1 079 нафар) ва Самарқанддан (975 нафар) жойлашган. Шунга қўшимча, 799 нафар ишбилармон Фарғона вилоятида ҳам юқори барқарорлик рейтингига эга.
Бундан олдин, Ўзбекистонда 53 мингдан ортиқ тадбиркор 171 миллиард сўмлик жаримадан озод қилингани тўғрисида хабар берилган. Бу эса тадбиркорлар учун қўшимча рағбат ҳамда иқтисодиётнинг ривожланишига ҳисса қўшишга хизмат қилмоқда.
“Zamin”ни Telegram'да ўқинг!
