17:14 / 28.12.2016
14 113

Тошкент метросидаги йўналишлар чизмаси янгиланди: Юнусободда «Файзулла Хўжаев» бекати бўлмайди

Тошкент метросидаги йўналишлар чизмаси янгиланди: Юнусободда «Файзулла Хўжаев» бекати бўлмайди

Тошкент метрополитенидаги йўналишлар чизмаси янгиланди. Бу ҳақда «Дарё» маълум қилди.

Чизмада «Сергели» йўналиши ҳам «қурилаётган йўналиш» номи билан пайдо бўлган. Йўналиш олти бекатдан иборат бўлиб, «Чилонзор» йўналишига уланишини кўриш мумкин. Чизмада «Сергели»даги бекатлар номи кўрсатилмаган.

Эски таҳрирдаги йўналишлар чизмасида «Юнусобод» йўналишининг шимолий қисмида учта — «Файзулла Хўжаев», «Юнусобод» ва «Туркистон» бекатлари қурилаётгани кўрсатилган эди. Янги чизмада «Файзулла Хўжаев» бекати йўқ — фақат қолган икки бекат қурилаётгани билдирилган.

«Юнусобод» йўналишининг жанубий қисмидаги «Бобур», «Тўқимачи», «Усмон Носир», «Жанубий» бекатлари, эски чизмадаги каби, янгисида ҳам «лойиҳалаштирилаётган бекатлар» сифатида кўрсатилган.

Эслатиб ўтамиз, Шавкат Мирзиёев Тошкент метросининг «Юнусобод» йўналишидаги икки бекатда қурилишни якунлаш, шунингдек, Сергелида ер усти тезюрар метро қурилишини лойиҳалаштиришни жадаллаштириш ҳақида кўрсатма берган эди.

Айни вақтда Юнусободда ҳам, Сергелида ҳам метро қурилиши ишлари олиб борилмоқда.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Ўзбекистон » Тошкент метросидаги йўналишлар чизмаси янгиланди: Юнусободда «Файзулла Хўжаев» бекати бўлмайди