Жаҳон миқёсида олтин қазиб олиш бўйича 2024 йилги энг йирик конлар рўйхати эълон қилинди. Халқаро таҳлилчилар маълумотларига кўра, бу йил ҳам АҚШ, Ўзбекистон, Россия ва Индонезия каби мамлакатлар дунёдаги етакчи олтин ишлаб чиқарувчи давлатлар сифатида қайд этилган.
Биринчи ўринни АҚШнинг Невада штатида жойлашган Nevada Gold Mines кони эгаллади. Бу кон бир неча йирик шахталарни ўз ичига олиб, йилига юзлаб тонна қимматбаҳо металл бериш салоҳиятига эга.
Иккинчи ўринда эса Ўзбекистоннинг тарихий Мурунтау кони жойлашди — у нафақат мамлакат, балки бутун дунёдаги энг катта очиқ олтин конларидан бири ҳисобланади. Мутахассислар таъкидлашича, Мурунтау нафақат қазиб олинаётган олтин ҳажми, балки захира кўлами жиҳатидан ҳам ўзига тенг рақибга эга эмас.
Шунингдек, Ўзбекистоннинг яна бир кони — Олмалиқ кон-металлургия мажмуаси — жаҳон рўйхатида олтинчи ўринни эгаллади. Бу эса мамлакатнинг табиий ресурслар соҳасидаги улкан салоҳияти ва замонавий қайта ишлаш инфратузилмасининг самарадорлигини кўрсатмоқда.
Халқаро иқтисодчилар фикрига кўра, сўнгги йилларда Ўзбекистонда олтин қазиб олиш ҳажми барқарор ўсиб бораётгани, янги технологияларни жорий этиш ва геологик қидирув ишларига катта сармоя киритилаётгани бунда муҳим роль ўйнамоқда.
Энг кўп олтин қазиб олинадиган 10 та кон қуйидагича белгиланди:
АҚШ — Nevada Gold Mines
Ўзбекистон — Мурунтау
Индонезия — Grasberg
Россия — Олимпиада
Ўзбекистон — Олмалиқ мажмуаси
Қозоғистон — KazZinc
Индонезия — Batu Hijau
Гана — Ahafo
Мали — Loulo-Gounkoto
Конго Демократик Республикаси — Kibali
Муттахассислар фикрича, Мурунтау ва Олмалиқнинг ушбу рўйхатдаги ўрни Ўзбекистоннинг олтин қазиб чиқариш соҳасида халқаро майдондаги нуфузини янада мустаҳкамламоқда.
“Zamin”ни Telegram'да ўқинг!
