6 январь куни Жанубий Қозоғистон вилояти ҳокимиятида Қозоғистоннинг Ўзбекистондаги элчиси Ерик Утембаевнинг Ўзбекистон ТИВ махсус топшириқлар бўйича вакили Илҳом Неъматов билан учрашуви бўлиб ўтди. Унда Тошкентни Қозоғистоннинг Мақтаорол тумани орқали Самарқанд билан боғлайдиган M-39 автойўли 887,8−911,9 километрлари қайта очилиши муҳокама қилинди. Бу ҳақда «Дарё» нашри маълум қилди.
Бундан ташқари, давлатлар ўртасидаги ўзаро муносабатларни яхшилаш ва янада мустаҳкамлаш масалалари кўриб чиқилди.
Учрашувда, шунингдек, Қозоғистон бош вазирининг инвестициялар ва ривожланиш бўйича ўринбосари Роман Скляр ва вилоят ҳокими Жансеит Туймебаев иштирок этди. Ҳоким олий мартабали меҳмонларга ташриф учун миннатдорлик билдириб, ишчи гуруҳ фаолиятига муваффақият тилади.
Учрашувда, янгиланган автойўл участкасини фойдаланишга топширишдан ташқари, ушбу участкада ўтказиш пунктини қуриш масаласи муҳокама қилинди.
Йўл эксплуатацияга топширилгач, тошкентликлар ундан фойдаланиб, Самарқандга тезроқ бориши мумкин бўлади. Ҳозирда Самарқандга Жиззахдан ўтадиган айланма йўл орқали бориш талаб этилади, бу эса масофани бир қадар узоқлаштиради.
Реконструкция ишлари февралда якунланиши кутилмоқда.
Эслатиб ўтамиз, M-39 автойўли 2006 йили ёпилган эди. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Терактдан кейин Россиядаги Тожикистон фуқаролари нафрат ва тажовузга дучор бўлмоқда
АҚШ расмийлари: Миллионлаб америкаликлар хитойлик ҳакерлар ҳужумига учраган
Россиялик терговчилар терактда айбланаётганлар оиласини сўроқ қилиш учун Тожикистонга келди
Россиянинг ҳарбий операциядаги манёври Украинани ҳайратга солди
Эммануэл Макрон: “Украина тез орада қулаши мумкин”
Россия қўшинлари Авдеевкадаги иккита қишлоқни эгаллаб олди
Эрдўғон террорчилар ҳақида кескин гапирди
Россия Украинанинг ҳарбий дрон йиғув иншоотларини йўқ қилди